Nobel de literatura para Bob Dylan

Acaban de concederlle o premio Nobel de literatura 2016 a Bob Dylan.

Bob Dylan non é un escritor de novelas, mesmo non é un escritor de historias. É un poeta que utiliza a canción como medio de crear literatura. Bob Dylan foi un dos músicos "pop" que máis influiron dende a década dos anos 60. Concretamente neses anos expresou nas súas cancións sentimentos en contra da guerra e da violencia dunha forma moi clara e contundente. Para vós é un músico doutros tempos, pero seguro que coñecedes algunha das súas cancións. Probade con este video, versión "reagge" dunha das súas máis coñecidas: "Knocking on Heavens Door"